An Arainneachd

Na h-Eileanan Beaga

Tha na ceudan de dh’eileanan beaga anns na h-Eileanan Siar; bha daoine a’ fuireach ann an iomadh fear dhiubh aig aon àm ach chaidh an trèigsinn anns an dà linn mu dheireadh, a’ fàgail bailtean is croitean bhàn. Tha cuid soirbheachail fhathast, ge-tà, air an ceangal ri na h-eileanan as motha le cabhsairean is drochaidean.

Nas fhaide air falbh, tha na h-eileanan falamh am measg nan àitean briodaidh as cudromaich airson eòin-mara ann an iar-thuath na Roinn Eòrpa.

Tha an aonarachd is an cruinn-eòlas còmhla a’ cruthachadh deagh àite briodaidh do dh’iomadh gnè.

Tha Na h-Eileanan Sianta, Hannda, An Clèireach, na h-Eileanan Flannanach, na Monaich, Mingulaigh, Beàrnaraigh (deas air Mingulaigh), Rònaigh agus Sùlaisgeir am measg na prìomh àitean briodaidh.

Tha na creagan mhara as àirde ann am Breatainn ann an Hiort, agus tha barrachd gearra-bhreac ann na a th’ ann an àite sam bith eile, an co-àiteachas as sine is as motha de fhulmairean, an co-àiteachas as motha de bhuthaidean ann am Breatann agus barrachd air millean isean uile gu lèir ann cuideachd.

Tha mòran ròin air cuid de na h-eileanan beaga seo cuideachd, mar Shillaigh is na Monaich, ach chan fhaighear ann fhad ‘s a thathar a’ briodadh – tha iad gu math tìreil!

A thuilleadh air a bhith prìseil a thaobh fiadh-bheatha, tha na h-eileanan beaga seo a’ toirt cothrom do neach fhaighinn air falbh gu tur on t-saoghal air fad. Tha Tarasaigh, ann an Caolas na Hearadh, na deagh eisimpleir air seo. Thàinig i gu bhith ainmeil air sgàth ‘Castaway 2000’ aig a’ BhBC, agus ged nach eil duine a’ fuireach ann, gheibh luchd-turais air fuireach ann ann an taigh air a leasachadh a dh’aon ghnothaich – abair cothrom fhaighinn air falbh on h-uile dad!