Eileanan Innse Gall

Eileanan Hiort

Tha na h-eileanan bholcànach seo mu 40 mìle an iar air na prìomh eileanan agus tha dealbh-tìre cho dràmadach is manadaireach ‘s a th’ ann am Breatann an seo. Le na creagan-mhara as àirde ann am Breatann, ‘s e Hiort an t-àite-briodadh as cudromaich airson eun-mara san Roinn Eòrpa. ‘S e Làrach Dualchas an t-Saoghail a th’ ann an Hiort, is tha barrachd gearra-bhreac ann na a th’ ann an àite sam bith eile, an co-àiteachas as sine is as motha de fhulmairean, an co-àiteachas as motha de bhuthaidean ann am Breatann agus barrachd air millean isean uile gu lèir.

Tha Hiort an-diugh le Urras Dualchas na h-Alba, ach b’ e daoine sònraichte is buan a bh’ ann uaireigin. Thàinig orra an t-eilean fhàgail san linn mu dheireadh ri linn bochdainn is dìth-bìdh a bha na thoradh air an àrdachadh de luchd-tadhail a bha a’ dol ann. Tha baile air a thrèigsinn, le na taighean an ìre mhath mar a bha iad, ann fhathast, is chaidh an t-uamhas de sgeulachdan is beul-aithris mu bheatha air an eilean a ghlèidheil. Chì thu tuilleadh mu Hiort air làrach-lìn an Urrais Dualchais (www.kilda.org.uk).