Eileanan Innse Gall

Uibhist a Deas

Tha barrachd air 20 mìle de thràighean gheala air taobh siar Uibhist a Deas. Tha am machair is na dùn-gainmhich rin taobh loma-làn de shìtheanan is fiadh-bheatha, mar traoin is bèistean dhubha. Tha taobh sear Uibhist a Deas fada is sreathach, le caolasan is bàghan. ‘S fhiach cuairt a ghabhail gu tèarmann-nàdair Loch Druidibeag air là fuair geamhraidh.

Tha Uibhist a Deas na choimhearsnachd a tha a’ dìon nithean traidiseanta. Anns an eilean chàirdeil seo, tha obair chroite mar buan na mòna, clòimh a dhathadh agus feamainn a chruinneachadh fhathast a’ dol air adhart o là gu là. Tha Uibhist a Deas agus Eilean Èirisgeigh a-nis ceangailte le cabhsair: tha an taigh-seinnse, taigh-bìdh is taigh-aoigheachd ‘Am Politician’ anmeil ann an Èirisgeigh. Tha e air ainmeachadh air a’ bhàta bathair làn uisge-beatha a chaidh fodha faisg air Èirisgeigh anns na 1940an. ‘S e seo a thug air Compton MacCoinnich “Whisky Galore” a sgrìobhadh. Tha seallaidhean agus cuairtean iongantach ann an Uibhist a Deas: ‘s dòcha gum bidh thu a’ coiseachd tro bhaile-tughaidh air a thrèigsinn aon là agus air oir na creige an ath là.